உபுண்டு இயங்குதளம்

உபுண்டு புதுப்பித்தல் (Ubuntu Update Problem)

2012-01-27T19:42:00.001+05:30

கடந்த சில நாட்களாக உபுண்டு 10.04ல் புதுப்பிக்க இயலவில்லை. எந்த மாற்றங்களும் நகலிறக்கம் ஆகவில்லை.

தீர்வு:

System -> Administration -> Software Sources க்கு செல்லவும்.

அதில் 'Ubuntu Software'ன் கீழ் உள்ள, 'Download From' என்பதைச் சொடுக்கவும்.

அதில் இந்தியாவைத் 'India' தேர்வு செய்து. பின்னர் 'Select Best Server' என்பதைச் சொடுக்கவும். Reload செய்தால் முடிந்தது. புதுப்பித்தல் நடக்கிறது.

குறிப்பு:

௧) India என்றில்லை எந்த நாட்டையும் தேர்வு செய்யலாம். தூரத்திற்கு ஏற்பவும், Server அளவுக்கு ஏற்பவும் நகலிறங்கும் வேகம் மாறுபடும்.

௨) முன்பு 'Main Server' என்று வைத்திருந்தேன். அதன் வேகம் 100kB/s இப்போது வெறும் 10kB/s தான் :(

௩) பின்னரும் வேலை செய்யவில்லையென்றால், மீண்டும் 'Select Best Server' சொடுக்கிப் பாருங்கள். எனக்கு இரண்டாவது முறை வேலை செய்தது.

மின்நூல்கள் - கோப்பு அமைப்பை மாற்ற

2010-11-01T16:15:00.000+05:30

MOBI, LIT, PRC, EPUB, ODT, HTML, CBR, CBZ, RTF, TXT, PDF and LRS. போன்ற பல்வேறு கோப்பு அமைவுகளில் உள்ளன. இவற்றை தங்களுக்கு வேண்டிய வடிவில் மாற்றிக்கொள்ள,
'Calibre' என்ற மென்பொருள் உபுண்டு, Software Centerல் உள்ளது.

அ. முதலில் இடது ஓரத்தில் உள்ள, Add Books என்பதன் மீது சொடுக்கி, புத்தகத்தை இணைத்துக் கொள்ளவும்.

௨. பின்னர் வலது விசையை சொடுக்கி, 'Convert books -> Convert individually' என்பதைத் தேர்வு செய்யவும்.

௩. பின்னர் வலதுமேல் ஓரத்தில் சொடுக்கி, தேவையான கோப்பமவைத் தேர்வு செய்து 'Ok' என்பதன் மீது சொடுக்கவும். அவ்வளவுதான் :)
.

உபுண்டு நிறுவுதல்

2010-10-21T23:56:00.001+05:30

சாதாரணமாக உபுண்டுவை விண்டோசுக்கு வெளிய நிறுவ, ஒரு முழு வன்வட்டின் பகுதியையும் (hard drive partition) அழித்து பின் நிறுவுவோம். ஆனால் அதற்கு பதிலாக வன்வட்டின் சிறுபகுதியை மட்டும் பிரித்து அதில் நிறுவினால் போதுமானது.

எ.க. 80GB இடத்தில் 40GB இடம் மீதமிருப்பின், அதில் 20GBயை மட்டும் தனியே பிரித்து, உபுண்டு நிறுவிக் கொள்ளலாம்.

1. அதற்கு, உபுண்டு குறுந்தகட்டை(CD) boot செய்து, Try Ubuntu (without making any changes to your computer) என்பதைத் தேர்வு செய்யவும்.

2. உபுண்டுவின் பணிமேடை(Desktop) தோன்றியவுடன் System -> Administration -> Gparted partition Editor என்பதைத் தேர்வு செய்யவும்.

௩. பிரிக்க வேண்டிய hard drive partition மேல் ஒரு முறை சொடுக்கி, பின்னர் Partition -> Resize/Move என்பதைத் தேர்வு செய்யவும்.

௪. Free Space Following என்பதில், உபுண்டுவுக்கு வேண்டிய MB அளவைக் கொடுக்கலாம் அல்லது, படத்தில் உள்ளது போன்று அம்புக்குறி மீது சொடுக்கியும் பிரிக்கும் அளவைத் தேர்வு செய்யலாம்.

௫. தேர்வு செய்தபின், Resize/Move என்பதைத் தேர்வு செய்யவும். அவ்வளவுதான். இட அளவைப் பொறுத்து ஒரு மணிநேரமோ அரை மணிநேரமோ கூட ஆகலாம். பின்னர் அந்த வன்வட்டுப் பகுதியை ext4ஆக format செய்யவும்.

௬. அவ்வளவுதான். பின்னர் உபுண்டு நிறுவும் போது, Specify partition manually என்பதைத் தேர்வு செய்து, அதில் நாம் இப்போது பிரித்த வன்வட்டுப் பகுதிக்கு, Format என்பதை tick செய்யவும். Mount point க்கு " / " என்பதைத் தேர்வு செய்து. Forward என்பதை சொடுக்கவும்.

சாதாரணமாக உபுண்டு நிறுவுவதில் சந்தேகம் இருந்தால், நண்பன் இரா.கதிர்வேலின் pdf கோப்பினை இங்கே சொடுக்கிப் பார்க்கவும். (GNU/Linux கட்டற்ற மென்பொருள்)
.

உபுண்டு 10.10 இசை, கண்ணொளிகள் சிக்கலின்றி ஓட..

2010-10-18T19:59:00.002+05:30

உபுண்டு 10.10க்கு பதிப்பேற்றம் செய்த பின், கண்ணொளிகள், இசை கோப்புகள் சரியாக ஓடவில்லை. சிக்கல் விழுந்த audio tape போல் (எனக்கு) ஆகிவிட்டது. அதற்குத் தீர்வு.

௧. System -> Administration -> Synaptic Package Managerல் Pulseaudio எனத் தேடவும்.

௨. பின்னர் Pulseaudioவின் வலது விசையைச் சொடுக்கி, Mark Removal என்பதைத் தேர்வு செய்வும்.

௩. அது சார்ந்துள்ள சிப்பங்களையும் சேர்த்து நீக்கும்படி கூறும். அதற்கும் ஆம் எனத் தேர்வு செய்துவிட்டு. மேலே உள்ள 'Apply' என்ற திருத்தக்குறி(tick) மீது சொடுக்கி, நீக்கிவிட்டால்(Remove) முடிந்தது.

விளைவு:

பணிமேடையில் உள்ள, Volume Control Applet காணாமல் போய்விடும். எனவே ஒலி அளவை மாற்ற, "Alsa Mixer", "Alsamixergui" என்ற இரண்டு மென்பொருட்களை 'Ubuntu Software Center'லிருந்து நிறுவிக்கொள்ளுங்கள்.

VLCல் ஒலி வரவில்லை என்றால், Tools -> Preferences -> Audioல் Output Moduleஐ "Alsa Output Module" என்பதைத் தேர்வு செய்யவும்.

படங்கள் இணைக்கமுடியவில்லை. புரியவில்லையெனில் commentsல் கேட்கவும்.
(UbuntuForum link)
.

உபுண்டு 10.10 upgrade

2010-10-13T18:39:00.001+05:30

File System வட்டில் குறைந்தது 4GB இடம் இருக்க வேண்டும்.

நான் செய்தவை:
௧. Update Manager முலம் update செய்து கொண்டேன்
௨. பின்னர் அதில் உள்ள Upgrade என்பதைத் தேர்வு செய்தேன். இணைய வேகம் 100 kbps(தரவிறங்கும் வேகம்) க்கு, கோப்புகளைத் தரவிறக்க அது 3 மணி நேரம் எடுத்துக் கொண்டது.
௩. பின்னர் அவற்றை நிறுவ சுமார் 1மணி நேரம் எடுத்துக் கொண்டது.

நிறுவிய பின்னர், எனது File System வன்வட்டில் 2GB அளவே இடம் மீதமிருந்தது. அதற்கு முன்னர் 4.5GB இடம் இருந்தது. எனவே பழைய மென்பொருட்கள், கெர்னல்களை நீக்க, Ubuntu Tweak பயன்படுத்தினேன். Ubuntu Tweak வேண்டுவோர், .deb சிப்பத்தை இங்கே சொடுக்கி, தரவிறக்கிக் கொள்ளுங்கள்.

௧. இடது புறத்தில் Package Cleanerஐத் தேர்வு செய்து கொள்ளவும்.

௨. முதலில் கீழே உள்ள Unlockன் மீது சொடுக்கி Unlock செய்து கொள்ளவும். பின்னர் வலது புறத்தில் உள்ளவற்றை ஒவ்வொன்றாகத் தேர்வு செய்து. Select All செய்து, Clean up என்பதைச் சொடுக்கி, நீக்கிக் கொள்ளலாம்.

மென்பொருள் மூலங்களைப் புதுப்பிக்க விரும்புவோர் இங்கே சொடுக்கவும்.

.

GIMPக்கு பதிலாக - GIMPshop - லினக்ஸ் Photoshop

2010-10-11T19:48:00.000+05:30

GIMP அடிப்படையாகக் கொண்டு, Photoshop போன்ற தோற்றத்தில் இருக்கும் மென்பொருள்தான் GIMPshop. Photoshopல் பழகிவிட்டு, திடீரென GIMPக்கு மாறுவது சற்று கடினமாகத்தான் இருக்கும். எனவே GIMPshopஐ முயற்சித்துப் பார்க்கலாம்.

அதாவது, பயனர் இடைமுகம் Photoshopஐ ஒத்துள்ளது, எனவே Photoshop கையேடுகளை இந்த மென்பொருளிளில் எவ்வித சிரமமுமின்றிப் பயன்படுத்தலாம்.

நிறுவ:
இதன் .deb சிப்பத்தினை இங்கே சொடுக்கித் தரவிறக்கிக் கொள்ளுங்கள். பின்னர் தரவிறக்கப்பட்ட சிப்பத்தின் மீது, இருமுறை சொடுக்கி, Install Package என்பதைத் தேர்வு செய்து கொள்ளுங்கள்.
.

HandBrake கண்ணொளி மாற்றி (Video Converter)

2010-10-07T17:16:00.000+05:30

இது மிக எளிதான கண்ணொளி மாற்றி, இதனைப் பெற இங்கே சொடுக்கவும். தரவிறக்கப்பட்ட கோப்பின் மீது இருமுறை சொடுக்கி, Install Package என்பதைத் தேர்வு செய்தால் முடிந்தது.
(இதன் தளங்கள்: https://edge.launchpad.net/~stebbins/+archive/handbrake-snapshots/+packages , http://handbrake.fr/downloads.php)

இயக்கும் வழிமுறை:

௧. மேற்புற இடது மூலையில் உள்ள Source என்பதன் மீது சொடுக்கி, மாற்றப்பட வேண்டிய கண்ணொளியைத் தேர்வு செய்த கொள்ளவும்.

௨. பின்னர் Formatல் வேண்டியதைத் தேர்வு செய்து கொள்ளவும்.

௩. அதன் பின் மேலே உள்ள பச்சை நிற 'Start' என்பதைத் தேர்வு செய்யவும். முடிந்தது :-)

இது தவிர Frame Rate மாற்ற, உரைத்துணை(subtitle) சேர்க்க என பல வசதிகள் உள்ளன தேவைப்பட்டால் பயன்படுத்திக் கொள்ளலாம்.
.

VLC ஊடக இயக்கியை - விருப்பம் போல் மாற்றிக் கொள்ள

2010-10-04T00:24:00.002+05:30

நாம் படம் பார்க்கும்போது, ஒலி அளவை மாற்றவும், படத்தின் சில காட்சிகளை தவிர்க்கவும் தான் அதிகமாக விசைப்பலகையை பயன்படுத்துவோம். VLCல் அதற்கு, Ctrl+Up, Ctrl+down, Ctrl+left, Ctrl+Right முதலிய விசைகள் குறுக்குவழி விசைகளாகப் பயன்படுகின்றன.

இவற்றை, முறையே Up, down, left, Right விசைகளென மாற்றிக் கொண்டால் இன்னும் வசதியாக இருக்கும். அதற்கு, VLCல் Tools -> Preferencesல் Hotkeys என்பதைத் தேர்வு செய்யவும். அதில் Short Backwards Jumpன் Hotkeysக்கு நேர் கீழே இருமுறை சொடுக்கினால், ஒரு சாளரம் திறக்கும், இப்போது, இடது அம்புக்குறி (left arrow) விசையை இருமுறை அழுத்தி, Ok என்பதைத் தேர்வு செய்யவும்.

இதே போன்று, Short Forward Jump, Volume Up, Volume Downக்கு, முறையே வலது, மேல், கீழ் அம்புக்குறி விசைகளைத் தேர்வு செய்து, Save என்பதன் சொடுக்கவும்.

VLC இயக்கியை ஒருமுறை நிறுத்திவிட்டு, மீண்டும் இயக்கவும். அவ்வளவுதான்.

இது மட்டுமன்று, தாங்கள் அடிக்கடி பயன்படுத்துபவற்றின், குறுக்கு வழி விசைகளையும் இதே போன்று மாற்றிக் கொள்ளலாம்.

மேலும், சில சமயங்களில், கண்ணொளி சரியான அளவு விகிதத்தில் இராது. அப்போது 'A' எனும் விசையை அழுத்தி, வீதத்தை மாற்றிக் கொள்ளலாம்.

(எ.க)

மேலும் உரைத்துணை(subtitle)-தாமதப்படுத்த -H

உரைத்துணை(subtitle)-வேகப்படுத்த - G

ஒலியை தாமதப்படுத்த - K

ஒலியை வேகப்படுத்த - J

மேலும் குறுக்குவழிகள் பற்றித் தெரிந்துகொள்ள, Tools -> Preferencesல் Hotkeys.

VLCயினை Windows Media Player போல், Winamp Media Player போல் தோற்றமளிக்கச் செய்ய மற்றும் பல்வேறுவிதமாக தோற்றமளிக்கச் செய்ய, மெல்லுரைகள் பல உள்ளன. அவற்றை இங்கே http://www.videolan.org/vlc/skins.php சென்று தரவிறக்கி ப் பயன்படுத்திக் கொள்ளலாம்.

பணிமேடையில் தெரியும், வன்வட்டுகளின் குறுக்குவழியை நீக்க- Remove Hard drive icons from Desktop

2010-09-27T19:20:00.000+05:30

உபுண்டுவில் வன்வட்டுகளை ஏற்றம் செய்தவுடன் (hard drive mount) அவை பணிமேடையில் தெரியும். அவற்றை நீக்க வேண்டுமென நினைத்தால்,

௧. முனையத்தைத்(terminal) திறந்து,
$ gconf-editor
என்ற கட்டளையை நிறைவேற்றியவுடன் ஒரு சாளரம் திறக்கும்.

௨. அதில்(இடதுபக்கம்) apps -> nautilus -> desktopஐத் தேர்வு செய்யவும். பின்னர் படத்தில் காட்டியுள்ளபடி, volumes visible என்பதன் தேர்வை நீக்கவும். அவ்வளவுதான் :-)

௩. மேலும் உங்களுக்குத் தேவையான படவுருக்கள்(icons) மட்டும் பணிமேடையில்(desktop) இருக்க, computer_icon_visible, home_icon_visible போன்றவற்றைத் தேர்வு செய்து கொள்ளலாம்.
.

Songbird இசை இயக்கி Music Player

2010-09-21T16:46:00.001+05:30

Songbird இசை இயக்கி, இதன் பயனர் இடைமுகம் நன்கு வசீகரிப்பதாக உள்ளது. இது தனது லினக்ஸ் பதிப்பு வெளியீடுகளை நிறுத்திக் கொண்டது. எனினும் இங்கே சொடுக்கி, தரவிறக்கிக் கொள்ளுங்கள்.

நிறுவும் (அ) இயக்கும் வழிமுறை:

௧. தரவிறக்கிய கோப்பை இல்ல அடைவில்(Home Folder) வைத்து அதன் மீது வலது விசையைச் சொடுக்கி, Extract Here என்பதைத் தேர்வு செய்யவும்.
௨. பின்னர் Applications மீது வலது விசையைச் சொடுக்கி, 'Edit Menus' என்பதைத் தேர்வு செய்யவும்.

௩. அதில் Sound and Video என்பதன் மீது சொடுக்கி, பின்னர் வலது ஓரத்தில் உள்ள New Item என்பதன் மீது சொடுக்கவும்.

௪. தற்போது ஒரு சாளரம் திறக்கும். அதில்
Name: Songbird
Command: /home/~~HomeFolder~~/Songbird/songbird
(HomeFolderக்கு பதிலாக உங்கள் இல்ல அடைவின் பெயரைக் கொடுக்கவும்.)
மேலும் இடதுபுறத்தில் தெரியும் படவுருவின் மீது சொடுக்கினால் ஒரு சாளரம் திறக்கும், அதில் HomeFolder -> Songbird -> songbird-512.png ஐத் தேர்வுசெய்து கொள்ளவும்.

௫. Ok என்பதை சொடுக்கி, மூடிவிடவும். அவ்வளவுதான். இப்போது
Applications -> Sound & Video -> Songbird என்பதைத் தேர்வு செய்து இயக்கலாம்.

இயக்க:(புதியவர்கட்கு) Songbirdஐத் திறந்து, File -> Import Mediaவில் பாடல்கள் உள்ள Folderஐத் தேர்வுசெய்து Ok கொடுங்கள். அவ்வளவுதான். அனைத்துப் பாடல்களைப் பற்றிய விபரங்களையும் வரிசைப்படுத்திக் காட்டும். (Folderஐத் தேர்வு செய்யவும், பாடல்களை அல்ல)

நிறைகள்:

௧. கண்ணுக்குக் குளிர்ச்சியான பயனர் இடைமுகம்.
௨. Media அடைவில் நீங்கள் செய்யும் மாறுதல்களை தானாகவே பார்த்துக் கொள்ளும். அதாவது புதிதாக ஏதாவது அடைவினை சேர்த்தால் தானாகவே பட்டியலில் சேர்த்துக் கொள்ளும்.
௩. ZOOM செய்துகொள்ளும் வசதி.
௪. இணைய உலவியும் அதனுடன் சேர்ந்தே உள்ளது.

குறை: விசைப்பலகையின் multimedia விசைகட்குக் கட்டுப்படவில்லை.
.

சாளரங்களை வகைப்படுத்தித் தொகுக்க - Group the Windows

2010-09-17T20:06:00.003+05:30

விண்டோசில் ஒரே சாளரங்கள் தொகுக்கப்பட்டு, பார்ப்பதற்கு எளிமையாக இருக்கும்.

அதே போல் உபுண்டுவிலும் செய்து கொள்ளலாம்.
அதற்கு,

Windows Listன் மீது வலது விசையைச் சொடுக்கி, Preferences என்பதைத் தேர்வு செய்யவும்.

அதில் 'Always Group Windows' என்பதைத் தேர்வு செய்யவும்.
அவ்வளவுதான் :-)

விண்டோஸ் போல் Desktop
.

raaga.comல் பாடல்கள் கேட்க..

2010-09-13T19:31:00.001+05:30

௧. Real Playerஐ http://www.real.com/realplayer/linux இங்கு சென்று தரவிறக்கி நிறுவிக் கொள்ளவும்.

௨. நெருப்பு நரியில் 'Adblock' கூட்டுறுப்பு நிறுவியிருந்தால் அதனை நிறுத்திவிடவும்.

௩. பின்னர் Real Playerஐத் திறக்கவும். அதில் Tools -> Preferencesல் 'Connections' என்பதைத் தேர்வு செய்யவும். பிறகு 'Test Connection' என்பதன் மீது சொடுக்கவும்.

பிறகு, 'Perform Test' என்பதைத் தேர்வு செய்து பின்னர் Update என்பதைச் சொடுக்கினால் முடிந்தது.

௪. raaga.comஐத் திறந்து முயற்சித்துப் பார்க்கவும். பாடவில்லையென்றால், மீண்டும் மீண்டும் முயற்சிக்கவும். நான் மூன்றாம் முயற்சித்ததும் பாடத் தொடங்கியது. :-)
--------------------------------------------------------------------------------
குறிப்பு: இந்தத் தகவலை நமக்கு வழங்கிய போகன்(கோமதி சங்கர்) அவர்களுக்கு நன்றி. :-) ( எழுத்துப்பிழை, அரிவை அரன், மென்பொருள், )
.

Age of Empires விளையாட்டு :-)

2010-09-11T01:45:00.007+05:30

Freecol, Freeciv போன்ற செயற்திட்டம் அடிப்படையாகக் (Strategy based) கொண்ட விளையாட்டுக்கள் உபுண்டுவில் இருந்தாலும், அவை Age of Empires உடன் போட்டியிட முடியாது.
இதற்கு மாற்றாக, 0AD வந்துள்ளது. :-)

நிறுவும் வழிமுறை:

முனையத்தைத் திறந்து, கீழ்கண்ட வரிகளை ஒவ்வொன்றாக நிறைவேற்றவும்.

sudo add-apt-repository ppa:wfg/0ad

sudo apt-get update

sudo apt-get install 0ad

நிறைகள்:

௧. விளையாட்டு முறை, அப்படியே AoE போன்றே உள்ளது.
௨. AoE போலன்றி, 0AD ஒரு கட்டற்ற இலவச மென்பொருள்.
௩. வரைவியல்(Graphics) AoE3யை விட அற்புதமாக உள்ளது. (கீழே உள்ள கண்ணொளி பார்க்கவும்)
௪. தனியாகவும், பலபேர் சேர்ந்தும், இணையம் மூலமாகவோ, குறும்பரப்பு வலையமைப்பு (LAN) மூலமாகவோ விளையாடலாம்.

குறை:

௧. வெளிவந்துள்ளது Alpha பதிப்பு.
மேலும் தகவலுக்கு, http://wildfiregames.com/0ad/page.php?p=13300

.

mp3, ஒலி கோப்புகளை இணைக்க, பிரிக்க, மாற்ற - mp3 split, edit, merge

2010-09-04T17:00:00.001+05:30

௧. mp3wrap, mp3splt மூலமாக:

$ sudo apt-get install mp3wrap mp3splt
என்ற கட்டளையை முனையத்தில் நிறைவேற்றி, mp3wrap, mp3splt இரண்டையும் நிறுவிக்கொள்ளவும்

பிரிக்க அல்லது சேர்க்க வேண்டிய கோப்பினை இல்ல அடைவில் (home folder) வைக்கவும். பின்னர்

பிரிக்க:

$ mp3splt filename.mp3 00.00 01.23 

என்ற கட்டளையை முனையத்தில் நிறைவேற்றவும்.

00:00 - ஆரம்ப கால அளவு

01:23 - முடியும் கால அளவு.

$ mp3splt filename.mp3 00.00 01.23 03.20

என்ற கட்டளையை முனையத்தில் நிறைவேற்றினால், ஒலிக் கோப்பானது,
00:00 - 01:23 மற்றும் 01:23 - 03:20 என்ற கால அளவுள்ள இரு கோப்புகளாக இருக்கும்.

சேர்க்க:

$ mp3wrap merged_filename.mp3 filename1.mp3 filename2.mp3

இதில் merged_filename.mp3 என்பது சேர்ந்த புதிய கோப்பு.

௨. ஒலிக் கோப்பின் அமைப்பை மாற்ற,கண்ணொளியிலிருந்து தனியாகப் பிரிக்க

-> Sound Converter என்பதை Ubuntu Software Centerலிருந்து நிறுவிக்கொள்ளவும்.பின்னர் File -> Add file அல்லது Add Folder என்பதைத் தேவைக்கேற்ப தேர்வு செய்துகொள்ளவும். Edit -> Preferncesல் வேண்டிய கோப்பு அமைப்பைத் தேர்வு செய்து Convertன் மீது சொடுக்கவும்.

-> இதே போல் கண்ணொளியை சேர்த்து Convertன் மீது சொடுக்கினால், அது ஒலிக் கோப்பாக சேமிக்கப்பட்டிருக்கும்.

இதுபற்றி விரிவாக அறிய,
http://fosstamil.blogspot.com/2010/07/format-format.html
http://ubuntu.thamiziniyan.com/?p=484

௩. இது தவிர Audacity யின் மூலம் பலவிதமான மாற்றங்களை (Audio Editing and Effects) செய்ய இயலும்.
.

120 தமிழ் எழுத்துருக்கள், தமிழ் லினக்ஸ் மென்பொருட்கள்

2010-08-30T19:50:00.004+05:30

௧. தமிழ் எழுத்துருக்களை இங்கே சொடுக்கித் தரவிறக்கிக் கொள்ளுங்கள்

௨. பின்னர் otf.zip என்ற தரவிறக்கப்பட்ட கோப்பின் மீது வலது விசையைச் சொடுக்கி, Extract Here என்பதைத் தேர்வு செய்யவும்.

௩. இப்போது ஒவ்வொரு எழுத்துரு மீதும் இருமுறை சொடுக்கி, அதில் Install என்பதைத் தேர்வு செய்யுங்கள்.

௪. பின்னர் கணினியை ஒருமுறை மறுதொடக்கம் செய்யுங்கள். அவ்வளவுதான் :-)

௫. இது தவிர கீழ்கண்ட இணைப்புகளிலும் தமிழ் எழுத்துருக்களைத் தரவிறக்க இயலும்

http://www.ildc.in/Tamil/GIST/Version2.0/html/linux01.html
http://www.ildc.in/Tamil/GIST/htm/otfonts.htm
http://www.ildc.in/Tamil/GIST/htm/modular-otfonts.htm

தமிழில் ஓப்பன் ஆஃபிஸ், நெருப்புநரி, தன்டர்பேர்ட் பெற இங்கே சொடுக்கவும்.

௧. மேற்சொன்னது போன்றே Extract here என்பதைத் தேர்வு செய்ய வேண்டும்.

௨. இப்போது மூன்று அடைவுகள்(folders) இருக்கும்.

௩. ஒவ்வொன்றிலும், install.sh என்ற கோப்பு இருக்கும். root ஆக login செய்து இந்த கோப்பின் மீது இருமுறை சொடுக்கவும்.

௫. அல்லது முனையத்தில்

$ sudo -i 

$ cd openoffice_folder_name

$ ./install.sh
$ cd ..

$ cd firefox_folder_name
$ ./install.sh
$ cd ..

$ cd thunderbird_folder_name
$ ./install.sh
$ cd ..

என்ற கட்டளைகளை நிறைவேற்றவும்.
குறிப்பு: sudo -i என்ற கட்டளை, root ஆக login செய்ய.

கவனம்:

தமிழ் எழுத்துருக்களை நான் நிறுவிப்பார்த்தேன் நன்கு வேலை செய்கிறது. ஆனால், நெருப்புநரி, ஓப்பன் ஆஃபிஸ், தன்டர்பேர்ட் இவற்றை நான் நிறுவிப் பார்க்கவில்லை. மேற்குறிப்பிட்ட கட்டளைகள், http://www.ildc.in/Tamil/GIST/Version2.0/html/linux02.html என்ற இந்திய அரசின் தளத்தில் கொடுத்ததற்கு ஏற்ப உள்ளது. நான் நிறுவி சரிபார்க்கவில்லை.

தொடரோடும் கண்ணொளிகளை தரவிறக்க - Download Streaming Video

2010-08-23T18:45:00.000+05:30

புதிய Flashற்கு:

Chromium உலவி கண்ணொளிக்கு, கீழ்கண்ட இடத்தில் காணலாம்..
home -> YOUR_HOME_NAME -> .cache -> chromium -> Default -> Cache

குறிப்பு:
இதில், '.cache' மறைவாக இருக்கும்(hidden folder). அது தெரிவதற்கு 'ctrl+h' அழுத்தவும்.

நெருப்பு நரியில்.. DownloadHelper அல்லது Download Youtube Videos + என்ற கூட்டுறுப்புக்களைச்(add ons) சேர்த்தால் தரவிறக்க இயலும்.

பழைய Flashற்கு:
Youtube கண்ணொளிகளை தரவிறக்க பல Add-onகள் உள்ளன. ஆனால் சில அரிய திரைப்படங்கள் அல்லது கண்ணொளிகள் தரவிறக்க Add-onகள் கிடைப்பதில்லை, இணைய இணைப்போடுதான் பார்க்க இயலும். இது போன்ற சமயங்களில் அந்த கண்ணொளிகளை நமக்கு ஒரு பிரதி எடுத்துக்கொள்ள கீழ்கண்ட வழிமுறை உதவலாம்.

To view this post in English, click here.

௧. இணைய தளத்தினைத் திறந்து கண்ணொளியை ஓட விடுங்கள்

௨. அது முழுவதும் தொடரோடி(streaming) முடியும் வரை பொறுத்திருக்கவும் :-P

௩. தொடரோடி முடிந்ததும் தத்தலை(TAB) மூட வேண்டாம்.

௪. இப்போது, Computer -> File System -> tmpல் தரவிறங்கிய கண்ணொளியைக் காணலாம்.

௫. இதனை ஒரு பிரதி எடுத்து வேண்டிய இடத்தில் சேமித்து வைத்துக் கொள்ளுங்கள் :-)
.

தீர்வு: நெருப்பு நரியில் சில தமிழ்வலைபூக்களில் தமிழ் சரியாகத் தெரிய...

2010-08-18T14:49:00.003+05:30

உபுண்டு நெருப்பு நரியில், சில வலைபூக்களில் தமிழ் சரியாகத் தெரியாமல் இருக்கும். அதற்கு,

௧. நெருப்பு நரியில், Edit -> Preferencesல் மேலே, Content என்பதைத் தேர்வு செய்ய வேண்டும்.

௨. பின்னர் எழுத்துருவை Lohit Tamil என மாற்றிக் கொள்ளவும்.

௩. Advanced என்பதன் மீது சொடுக்கவும். இப்போது புதிதாக ஒரு சாளரம் தோன்றும் அதில் Allow Pages to use their own fonts, instead of my selection above என்பது தேர்வு செய்யப்பட்டிருக்கும். அதனை நீக்கிவிட்டு Okவினை சொடுக்கி, சாளரத்தை மூடிவிடுங்கள்.

௪. அவ்வளவுதான். தமிழ் அழகாகத் தெரியும் :-)

௫. பின்னர், இதனை வேண்டாம் என்று தாங்கள் விரும்பினால், வலைபூவைப் படித்து முடித்தபின்னர் மேற்சொன்ன வழிமுறையைப் பயன்படுத்தி திருத்திக் கொள்ளலாம்.

௬. இது பிரச்சனைக்கான சரியான தீர்வுதான். ஆனால் சிறந்த தீர்வல்ல. சிறந்த தீர்வு, Arial எழுத்துருவுக்கு பதிலாக மட்டும் Lohit Tamil எழுத்துருவை மாற்றுவது. எப்படி என யாருக்கேனும் தெரிந்தால் சொல்லவும்.
.

Desktop தோற்றத்தை விண்டோஸ் போல் மாற்ற...

2010-08-13T17:26:00.002+05:30

அனைவரும் விண்டோசிலிருந்தே உபுண்டுவுக்கு மாறியிருப்போம். எனவே desktop விண்டோஸ் போன்று தோற்றமளித்தால் கையாள்வதற்கு எளிதாக இருக்கும். அதற்கு,

௧. கீழே இருக்கும் Panel மீது வலது விசையை சொடுக்கி, 'delete this panel' என்பதைத் தேர்வு செய்து நீக்கிவிடுங்கள்.

௨. மேலே இருக்கும் Panelல் மீது வலது விசையைச் சொடுக்கி, 'Properties' என்பதைத் தேர்வு செய்து 'Orientation'ல் Bottom என்பதைத் தேர்வு செய்யவும்.

௩. தற்போது Panel கீழே வந்திருக்கும். Applications மீது வலது விசையைச் சொடுக்கி, 'Remove from Panel' என்பதைத் தேர்வு செய்யவும்.

௪. மீண்டும் Panelன் மீது வலது விசையைச் சொடுக்கி, Add to Panel என்பதைத் தேர்வு செய்யது. அதில், 'Main Menu' என்பதைத் தேர்வு செய்து Add என்பதைச் சொடுக்கவும்.

௫. பின்னர் இதே போன்று Add to Panel மூலம் 'Window List' என்பதை சேர்த்துக் கொள்ளவும்.

௬. பின்னர் இதே போன்று Add to Panel மூலம் 'Show Desktop', 'Shut Down' போன்று தேவையானவற்றைச் சேர்த்துக் கொள்ளலாம்.

௭. மேலும் panelல் உள்ள desktop icon மீது வலது விசையைச் சொடுக்கி, Move என்பதைத் தேர்வு செய்து, Panelன் வலது மூலையில் வைத்துவிட்டால் முடிந்தது.

௮. மேலும் தங்களது திரை அகலமானதா இல்லை உயரமானதா என்பதைப் பொறுத்து. இன்னொரு Panelஐ, தற்போது இருக்கும் Panelன் மீது வலது விசையைச் சொடுக்கி New Panelலினைத் தேர்வு செய்து பெறலாம்.
அகலமாக இருந்தால் Panelல் மீது வலது விசையைச் சொடுக்கி, 'Properties' என்பதைத் தேர்வு செய்து 'Orientation'ல் Right அல்லது Left தேர்வு செய்துகொள்ளுங்கள். உயரமான திரை கொண்டவர்கள், Topஎன்பதைத் தேர்வு செய்து கொள்ளுங்கள்.

௯. இப்போது உள்ள புதிய Panelன் மீது வலது விசையைச் சொடுக்கி, Add to Panel என்பதைத் தேர்வு செய்து, Application Launcherல் தாங்கள் அடிக்கடி உபயோகப்படுத்தும் செயலியைச் சேர்த்துக்கொள்ளுங்கள்.

உபுண்டுவை உங்கள் விருப்பத்திற்கு ஏற்றவாறு வடிவமைத்துக் கொள்ளுங்கள். :-)

சாளரங்களை வகைப்படுத்தித் தொகுக்க.. (Group the Windows like in Windows 7)
.

இயங்கமறுக்கும் நிரல்களை நிறுத்த - Kill Process

2010-08-09T22:52:00.002+05:30

௧. நெருப்பு நரியை இயக்கும் போது, "Firefox is alredy running" என்றோ, "Firefox is already open" என்றோ செய்தி வரும்.

௨. சிலசமயம் VLCயோ அல்லது வேறு ஏதேனும் நிரலோ திறக்க மறுக்கும்.

௩. சிலசமயம் செயலி இயங்க மறுக்கும்.

(To view this post in English, click here.)

இது போன்ற சூழ்நிலையில் கணினியை மறுதொடக்கம்(restart) செய்யத் தேவையில்லை. அதற்கு பதிலாக அந்தச் செயலியை மட்டும் முழுதும் நிறுத்தி மறுதொடக்கம் செய்தால் போதுமானது. அதற்குப் பல வழிகள் உள்ளன.

முனையத்தின் மூலமாக:

முறை 1:

$ pkill process_name

எ.க. $ pkill vlc

முறை 2:

$ pgrep process_name

இந்தக் கட்டளை செயலியின் செயற்பாட்டு எண்ணைப் பெற்றுத்தரும்.

$ kill process_ID

எ.க.

$ pgrep vlc

2715

$ kill 2715

பயனர் இடைமுகம் மூலம்: (GUI)

முறை 1:

System -> Administration -> System Monitor செல்லவும். அங்கு Processes என்பதைத் தேர்வுசெய்யவும். இப்போது, உங்களுக்கு வேண்டிய செயலியைத் தேர்வு செய்து End Process என்பதைச் சொடுக்கவும்.

கவனம்: சிலசமயம் இதனை இருமுறை செய்த பின்னர்தான் செயலி நிற்கின்றது.

முறை 2: (புதியவர்கட்கு..)

Panelன் மீது, வலது விசையைச் சொடுக்கி, Add to Panel என்பதில், Force Quit என்பதைத் தேர்வு செய்யவும். பின்னர், Force Quit மீது ஒரு முறை சொடுக்கி, அதன் பின் இயங்க மறுக்கும் செயலியின் மீது ஒரு முறை சொடுக்கினால் அவ்வளவுதான்.

அதிவேக மெல்லிய இணைய உலவி dillo மற்றும் மெல்லிய உலவி Midori

2010-08-05T04:53:00.002+05:30

Dillo 2.2அதிவேக மெல்லிய இணைய உலவி:

--> மிக வேகமாக இணைய பக்கங்களைத் திறக்கிறது. இவ்வளவு வேகமா என நான் திகைக்கும் அளவு இருந்தது.

--> லினக்சுக்கு மட்டுமே dillo. விண்டோசுக்கு இல்லை :-) :-)

To view this post in English, click here.

நிறைகள்:

௧. அதிகவேகமாக இணையபக்கங்களைத் திறக்கிறது.

௨. மிகக்குறைந்தளவே RAM எடுத்துக்கொள்கிறது.

௩. TAB வசதி உண்டு.

குறைகள்:

௧. HTTPS பக்கங்களைத் திறப்பதில் சிறிது சிக்கல் உள்ளது.

௨. கண்ணொளிகள் காண இயலாது.

௩. தமிழ் மொழி தளங்களைப் பார்க்க இயலவில்லை.

நிறுவும் வழிமுறை:

fltk2, dillo2.2 .deb கோப்புகளை உங்களது உபுண்டு பதிப்புக்கேற்றவாறு https://launchpad.net/~d.filoni/+archive/dillo/+packages இங்கு சென்று தரவிறக்கிக்கொள்ளவும். முதலில் fltk2வையும், பின்னர் dillo2.2வையும் நிறுவவும்.

நிறுவும் போது, ஏதேனும் சார்புப்பிழைகள்(dependency errors) காட்டினால், கீழ்கண்ட சிப்பங்கள், Synaptic Package Managerல் நிறுவப்பட்டுள்ளதா என சரிபார்க்கவும். (படம்: Synaptic Manager - dillo - Properties - Dependencies)

வேகத்தை இன்னும் அதிகப்படுத்த: Toolsல் இரண்டு CSSகள், Load Image இவற்றை முடக்கிவிடுங்கள்(disable). படத்தைப்(Image) பார்க்க விரும்பினால் அதன் மீது சொடுக்கினால் போதும், படம் தெரியும்.

Midori - மெல்லிய இணைய உலவி:

இதனை 'Ubuntu Software Center'லிருந்து எளிதாக நிறுவிக் கொள்ளலாம். இது dillo போலன்றி HTTPS, கண்ணொளிகள் மற்றும் தமிழ் மொழி இணையபக்கங்களைத் திறப்பதில் பிரச்சனை இல்லை.

ஆனால் வேகம் என்னவோ நெருப்புநரியை விடக் குறைவாக இருப்பதாகத் தோன்றுகிறது. எனவே, RAM குறைவாக உள்ளவர்கள் Firefoxக்கு பதில், இதனை உபயோகிக்கலாம்.

PDF கோப்புகளைச் சேர்க்க, பிரிக்க, திருத்த, உருவாக்க, பிற கோப்பு வடிவுகளாக மாற்ற

2010-08-01T17:20:00.004+05:30

௧) PDF Shuffler:

இந்த மென்பொருளின் உதவியுடன்,

௧) பல pdf கோப்புகளை ஒன்றாகச் சேர்க்கலாம்.

௨) ஒரு பெரிய pdf கோப்பிலிருந்து, ஒரு சிறு கோப்பினை நமக்கு வேண்டிய பக்கங்களை மட்டும் கொண்டிருக்குமாறு மாற்றலாம்.

௩) ஒரு pdf கோப்பிலுள்ள பக்கங்களின் வரிசையை மாற்றியமைக்கலாம்.

௪) பல pdf கோப்புகளிலுள்ள நமக்கு வேண்டிய பக்கங்களை மட்டும் எடுத்து, நமக்கு வேண்டிய புதிய pdf கோப்பினை உருவாக்கலாம்.

To view this post in English, click here.

pdf கோப்பினை சேர்க்க -> Import PDF
வேண்டாத பக்கங்களை நீக்க -> Delete page(s)
பக்கங்களை மாற்ற -> பக்கத்தின் மீது சொடுக்கி வேண்டிய இடத்தில் இழுத்து வேண்டிய இடத்தில் போட வேண்டும். (drag and place)
பின்னர், 'Export pdf' என்பதை சொடுக்கினால் புதிய pdf கோப்பு சேமிக்கப்படும்.

௨) PDF Editor:

இது pdf கோப்புகளைத் திருத்த உதவுகிறது. இதன் மூலம் ஒரே பக்கத்தில் உள்ள வேண்டாதவற்றை நீக்கி, வேண்டியவை மட்டும் இருக்குமாறு பார்த்துக் கொள்ளலாம்.

௩) PDF to jpg, png etc.,

GIMP Image Editorன் மூலம் pdf கோப்பினைத் திறந்து அதனை அதனை சேமிக்கும் போது, .jpg அல்லது .png என வேண்டும் வடிவில் சேமித்துக் கொள்ளலாம்.

௪) pdf to txt:

மின்-புத்தகங்கள் படிக்கும் போது, அதன் எழுத்துரு, எழுத்தின் அளவு போன்றவை நம் கண்ணிற்கு ஏதுவாக இல்லாமலிருக்கலாம். 'gPDF Text ebook Editor' என்பதை நிறுவிக் கொண்டால், இது pdf கோப்புகளை txt கோப்புகளாக மாற்றி, நாம் விரும்பிய வண்ணம் பார்க்க உதவுகிறது.
முனையத்தின் மூலம் pdf to text மாற்ற நண்பர் அருள்மொழியின் வலைப்பூவில் பார்க்கலாம். http://ubuntuintamil.blogspot.com/2010/04/pdf-to-text.html

௫) புதிதாக pdf உருவாக்க:
Open office wordல் கோப்பினைத் தயார் செய்து, pdf என்பதை சொடுக்கினால், pdf கோப்பு உருவாக்கப்பட்டுவிடும்.

௬) pdfcrack:

கடவுச்சொல் கொடுத்து பாதுகாக்கப் பெற்றுள்ள pdf கோப்புகளை, கடவுச்சொல்லைக் கண்டறிந்து திறக்க உதவுகிறது.

குறிப்பு: 1) மேற்குறிப்பிட்டுள்ள மென்பொருட்கள் அனைத்தும் ubuntu software centerல் உள்ளது.

ஏன் உபுண்டு????

2010-07-28T00:06:00.005+05:30

நச்சுநிரல்கள்(virus) இல்லை, Spyware, Malware தொல்லையில்லை என்பது தவிர...

௧) விண்டோஸ் வன்வட்டில் 30GB அளவு அடைத்துக் கொண்டது, ஆனால் உபுண்டுவுக்குத் தேவைப்பட்டதோ வெறும் 8GB தான் (அனைத்து மென்பொருட்களும் அடங்க..)

௨) எந்த மென்பொருளையும் தேடித்திரியத் தேவையில்லை, அப்படி தேடித்திரிந்த பின்னரும் விண்டோசுக்கு சில சமயம் சரியான மென்பொருளோ அல்லது வேலை செய்யும் crackஓ கிடைப்பதில்லை. உபுண்டுவில் இந்தத் தொல்லை இல்லை. அனைத்து மென்பொருட்களும் இலவசமாக UBUNTU SOFTWARE CENTERலேயே கிடைக்கிறது.

எ-க: WORD to PDF converter. இதை Googleலில் தேடியவுடன் நிறைய மென்பொருட்கள் வந்தன. PDFகோப்பாக மாற்றினால், அந்நிறுவன முத்திரையும் சேர்ந்து வந்தது. ஆனால் உபுண்டு Openofficeலேயே இந்த வசதி உள்ளது.

௩) ஒரு செயலியைத்(Application) திறந்து தமிழில் தட்டச்சு செய்வது என்பது Windows மிகக்கடினம். காரணம் தமிழில் தட்டச்சு செய்வதற்கென்றே நாம் தனியாக மென்பொருளை நிறுவ வேண்டும். அந்த மென்பொருள் அனைத்து செயலிகளுக்கும்(applications) இசைவுடையதாக(compatible) இருக்காது. ஆனால் உபுண்டுவில் தமிழில் தட்டச்சு செய்வதென்பது இயங்குதளத்தால் நிர்வகிக்கப்படுகிறது. எனவே எல்லாச் செயலிகளிலும்(all applications) தமிழில் தட்டச்சு செய்ய இயலும்.

௪) நெருப்பு நரியில், வெவ்வேறு தளங்களைப் பார்க்க TAB VIEW வசதி உள்ளது. அது போன்றே உபுண்டுவில் 'My Computer'ஐத் திறந்து வெவ்வேறு வட்டுக்களை ஒரே சாளரத்தின்(Single Window) கீழ் வெவ்வேறு TABகளில் பார்க்க இயலும். இந்த வசதி விண்டோசில் இல்லை.

௫) கணினியை அதிக நேரம், இணையத்திற்காக மட்டும் உபயோகப்படுத்துபவர்கள், உடனே உபுண்டுவுக்கு மாறிவிடுவது நலம். எந்த தளத்தையும் திறந்து பார்க்க பயப்படத்தேவையில்லை. உங்களை மீறி உபுண்டு எதுவும், யாரையும் செய்யவிடாது.

௬) அச்சுத்துறை, நிழற்படத்துறை மற்றும் விளையாட்டுக்களில் ஆர்வமுள்ளவர்கள் தவிர அனைவரும் உபுண்டுவுக்கு மாறிவிடலாம். ஏனென்றால், பிற அனைத்து வசதிகளும் முழுமையாக உபுண்டுவில் உண்டு. மேலும் ஒவ்வொரு தடவையும் pendrive சொருகப்படும் போதும் பயப்படத்தேவையில்லை.

௭) உபுண்டு, எந்த மென்பொருளையும் தானாக Startup Applicationsல் சேர விடாது. எனவே bootஆக எடுத்துக்கொள்ளும் நேரம் மிகக்குறைவாக இருக்கும். ஆனால் விண்டோசில் பெரும்பாலான மென்பொருட்கள் Startupல் சென்று தானாக அமர்ந்து கொள்ளும்(கொல்லும் :-D)

௮) விண்டோசில் உங்களுடைய RAMல், வைரசும் இயங்கும், anti-virusம் இயங்கி வேகத்தைக்குறைக்கும். ஆனால் உபுண்டுவில் வைரசும் இல்லை எனவே anti-வைரசும் தேவையில்லை. :-)

௯) உபுண்டுவை தினமும் புதுப்பிக்க(update) முடியும். விண்டோசையும் அன்றன்றே புதுப்பித்து வைத்துக் கொள்ளலாம். (காசு போட்டு விண்டோஸ் வாங்கியிருந்தால் :-) )

௧௰) விண்டோஸ் 7 பரவாயில்லை. ஆனால் விண்டோஸ் XPயோ அல்லது அதற்கும் முந்தைய பதிப்போ உபயோகிப்பவர்கள் உபுண்டுவுக்கு தாராளமாக மாறிவிடலாம். மேலும் உபுண்டு நிறுவினால், விண்டோசுக்கு எந்த சேதாரமும் ஏற்படாது. எனவே உபுண்டு வேண்டுபவர்கள் இங்கே சொடுக்கி வீடு தேடிவரும் இலவச உபுண்டு CDயைப் பெற்று பயனடையுங்கள் :-)

பிரிந்துள்ள கோப்புகளைச் சேர்க்க - Join the splitted files

2010-07-25T15:31:00.005+05:30

நாம் பெரிய கோப்புகள் அல்லது திரைப்படங்களை தரவிறக்கம் செய்யும் போது, 5 அல்லது 6 பாகங்களாக பிரித்து வைத்திருப்பார்கள். எ.க. filename.001, filename.002 ....
(To view this post in English, click here.)

Windowsல் இவற்றை இணைப்பதற்கு 'hjsplit' போன்ற மென்பொருட்கள் உள்ளன.

உபுண்டுவில் இணைப்பதற்கு,

௧) முதலில் தரவிறக்கம் செய்த (பிரிக்கப்பட்ட) கோப்புகள் இல்லக்கோப்பகத்தில் (home folder) இருக்குமாறு பார்த்துக் கொள்ளவேண்டும்.
௨) பின்னர் முனையத்தைத்(terminal) திறந்து,

cat file.flv.001 file.flv.002 file.flv.003 > file.flv
என் நிறைவேற்றவும். அவ்வளவுதான், ஒன்றாக இணைக்கப்பட்ட கோப்பு இல்லக்கோப்பகத்தில் சேமிக்கப்பட்டிருக்கும்.

பெரிய கோப்பை சிறு சிறு கோப்புகளாகப் பிரிக்க,

௧) முதலில் lxsplit என்ற செயலியை 'ubuntu software center'லிருந்து நிறுவிக் கொள்ளவும்.
௨) பிரிக்கப்பட வேண்டிய கோப்பு இல்லக்கோப்பகத்தில் இருக்குமாறு பார்த்துக் கொள்ளவும்.
௩) முனையத்தைத் திறந்து,

lxsplit -s filename.flv 80M
என நிறைவேற்றினால், பெரிய கோப்பானது, 80MB அளவுள்ள பல கோப்புகளாகப் பிரிக்கப்பட்டிருக்கும்.

இதே மென்பொருளை, கோப்புகளை இணைக்கவும் பயன்படுத்தலாம். அதற்கு,
lxsplit -j filename.flv.001
என முனையத்தில் நிறைவேற்ற வேண்டும்.
.

தமிழில் தட்டச்சு செய்ய - Type in Tamil - Ubuntu

2010-07-22T01:04:00.004+05:30

எந்த மென்பொருளும் நிறுவத் தேவையில்லை. பெரும்பாலான மொழிகளில் தட்டச்சு செய்யும் வசதி, நீங்கள் உபுண்டு நிறுவும்போதே நிறுவப்பட்டுவிடுகிறது.

(To view this post in English, click here)

௧) System -> Preferences -> Keyboard செல்லவும்.

௨) Layoutsல் 'ADD' என்பதைச் சொடுக்கவும். உடனே ஒரு சாளரம் தோன்றும். அதில் 'By Language' என்பதைத் தேர்வு செய்யவும்.

௩) அதில்'Tamil' என்று தேர்வு செய்து, 'ADD'ஐ சொடுக்கவும். பின்னர்,அதே Layoutsல் தெரியும், 'Options' என்பதைச் சொடுக்கவும். அதில் 'Key(s) to Change Layout' என்பதை விரித்துப் பார்த்தால், எந்தெந்த விசைகள் மொழி மாற்றத்திற்கு உதவலாம் என காண்பித்திருப்பார்கள்.

எ.க. நான் 'Capslock'ஐத் தேர்வு செய்துள்ளேன். நான் தமிழில் தட்டச்சு செய்யும் போது 'Capslock' விசையை அழுத்தினால், தட்டச்சு ஆங்கிலத்துக்கு மாறிவிடும். மீண்டும் 'Capslock' அழுத்தினால் நான் தமிழில் தட்டச்சு செய்யலாம். 'Capslock' தான் என்றில்லை, தாங்கள் விரும்பும் விசை(களை) மொழி மாற்றத்திற்கு தேர்வு செய்து கொள்ளலாம்.

௪) மேற்சொன்ன வழிமுறையில், Layoutsல் 'ADD' என்பதைச் சொடுக்கியவுடன், தோன்றும் சாளரத்தில் 'By Language'ல் 'Tamil' என்று தேர்வு செய்யதவுடன், விசைப்பலகையின் அமைப்பு தெரியும். எந்த விசை எந்த எழுத்திற்கு என்று தெளிவாகக் கொடுக்கப்பட்டிருக்கும். இம்முறையில், இடது புற விசைகள் உயிரெழுத்துக்களுக்கென்றும், வலப்புறம் மெய்யெழுத்துக்கள் மற்றும் வடமொழி எழுத்துக்களுக்கும் கொடுக்கப்பட்டுள்ளது. எனவே இம்முறையில் 'Ammaa' என தட்டச்சு செய்தால் 'அம்மா' எனத்திரையில் தெரியாது. ஆரம்பத்தில் இம்முறையில் தட்டச்சு செய்வது கடினமாகத் தோன்றும். பழகிவிட்டால், இதுதான் மிகவும் எளிதாக இருக்கும். நான் இம்முறையைத்தான் பயன்படுத்தி வருகிறேன்.

௫) இந்த முறையில் தமிழில் எழுதுவது, இயங்குதளத்தால் நிர்வகிக்கப்படுகிறது, எனவே அனைத்து செயலிகளும்(Applications) தமிழ் உள்ளீட்டை ஏற்றுக்கொள்கின்றன. இதனால் எனது 'folder'களுக்கும் தமிழிலேயே பெயரிட்டுவிட்டேன். :-)

குறிப்பு: Wordல் எழுத்துரு(font), 'Lohit Tamil'என்பதைத் தேர்வு செய்து கொண்டு தட்டச்சு செய்யவும். Wordக்கு மட்டுமன்று அனைத்து செயலிகளுக்கும் இது பொருந்தும். மேலும் தமிழ் எழுத்துருக்கள் தேவைப்பட்டால், 'Ubuntu Software Center'ல் 'tamil fonts' எனத் தேடி நிறுவிக்கொள்ளலாம்.

கவனம்: உபுண்டு அடிக்கடி கடவுச்சொல்லைக் கேட்கும். அவ்வாறு கேட்கும்போது மொழி தேர்வு ஆங்கிலத்தில் இருக்குமாறு பார்த்துக்கொள்ளவும்.

தொடர்புடைய நண்பர்களின் பதிவுகள்:

Phoneticமுறையில் iBus உதவியுடன் உபுண்டுவில் தமிழில் தட்டச்சு செய்ய,

http://gnutamil.blogspot.com/2010/04/910.html

http://fosstamil.blogspot.com/2010/07/blog-post_15.html

Phonetic முறையில் SCIM உதவியுடன் உபுண்டுவில் தமிழில் தட்டச்சு செய்ய,

http://ubuntuintamil.blogspot.com/2009/01/hello-everybody-i-am-ram.html

HACKERகளிடமிருந்து பாதுகாத்துக்கொள்ள...

2010-07-18T20:16:00.004+05:30

அவசர பதிவு.....................
Fake log in பக்கங்கள், Sniper Spy போன்ற மென்பொருட்கள் hackingக்கு முக்கியக் காரணம். மேலும்,

-> password கடினமானதாக எண்கள், எழுத்துக்கள், குறிகளுடன் இருக்கட்டும்.

-> PASSWORD RECOVERY QUESTIONக்கான பதில் உங்கள் அந்தரங்கமானதாக யாரும் எளிதில் யூகிக்க முடியாத வகையில் இருக்கட்டும்.

இவை தவிர...

Hackingக்கு நீங்கள் உள்ளாகும் வாய்ப்புகள்:

௧. யாரிடமிருந்தும் மின்னஞ்சலில் வரும் .exe கோப்புகளை நிறுவுதல் மூலமாக sniper spy போன்ற மென்பொருட்கள் உங்களையும் அறியாமல் உங்கள் கணினியில் நிறுவப்படலாம். இது தாங்கள் அழுத்தும் ஒவ்வொரு விசையையும் தன்னகத்தே சேமித்து, அதை மின்னஞ்சல் அனுப்பியவருக்கு தங்களுக்குத் தெரியாமலேயே கொடுத்துவிடும். இதன் மூலம் அடுத்தவர் தங்கள் கடவுச்சொல்லை அறிய முடியும்.

௨. 'FAKE LOGIN' பொய்யான login பக்கங்களுக்கு உங்களை அறியாமலேயே, நீங்கள் திருப்பிவிடப்படலாம். அப்போது நீங்கள் கொடுக்கும் ID, கடவுச்சொல் hackerஐச் சென்றடைந்துவிடுகிறது.

தீர்வு:

       ௧.எவ்வளவு பெரிய நண்பராக இருந்தாலும் மின்னஞ்சலில் வரும் எந்த மென்பொருளையும் கணினியில் நிறுவிக்கொள்ளாதீர்கள். மேலும் Firefoxல் WOT என்ற கூட்டுறுப்பை நிறுவிக்கொண்டால் மிக நன்று.

       ௨.FAKE LOGINக்குத் தீர்வு:
               உங்கள் மின்னஞ்சலில் வரும் எந்த இணைப்பும்(link) சொடுக்கப்படும் போது. login பக்கத்துக்குச் சென்றால் உடனே USER ID, Password கொடுத்து விடாதீர்கள்.....
எப்போதும் login, gmail.com லிருந்தோ அல்லது google.comலிருந்தோ மட்டும் செய்யுங்கள். வேறெந்த இணைய முகவரியிலும் login செய்யாதீர்கள்.

மேலும் hacking பற்றி அறிய இங்கே சொடுக்கவும்
fake login phishing பற்றி அறிய இங்கே சொடுக்கவும்
.

பொறியியல் மென்பொருட்கள் -Engineering Softwares

2010-07-18T02:08:00.001+05:30

To view this post in English, click here.

MATLABக்கு மாற்று மென்பொருட்கள்:

௧. GNU Octave:

Matlabல் எழுதிய இயங்குநிரல் அப்படியே எந்த மாறுதலும் இல்லாமல் Octaveல் வேலை செய்யும். Matlabல் உள்ள பெரும்பான்மையான செயற்கூறுகள்(functions) இதில் உள்ளது. மேலும் வன்வட்டில் இது குறைந்த இடைத்தையே அடைத்துக் கொள்கிறது. (500MBக்கும் குறைவு. MATLAB-3GB)

௨. FreeMAT:

இது பார்ப்பதற்கு அப்படியே MATLAB போன்று தோற்றமளிக்கிறது. இதுவும் Malab இயங்குநிரல்களை இயக்க வல்லது. ஆனால் இதில் கட்டுப்பாட்டு அமைப்புகளுக்கான செயற்கூறுகள்(control system functions) இல்லை. ஆனால் Octaveல் உண்டு.

மேலும் இதில் முப்பரிமாண வரைதல்(3D plots) கிடையாது. ஆனால் Octaveல் உண்டு.

எடுத்துக்காட்டாக (1600x1600 அணி(matrix) உள்ள) ஒரு கோப்பினை இயக்க(run) FreeMAT 1நிமிடமும் Octave, Matlab இரண்டும் 20 நொடிகளும் எடுத்துக்கொண்டன.

படம்1. MATLABல் முப்பரிமாண வரைபடம்

படம்2: Octaveல் முப்பரிமாண வரைபடம்

படம்3: (FreeMAT ல் இருபரிமாண வரைபடம்)

SIMULINKக்கு மாற்று மென்பொருள்:

Scilab:

(Scilabஐத் திறந்து, Applications -> Xcos) Simulinkல் உள்ள அத்தனை அடிப்படைத் தொகுப்புகளும்(basic blocks) இதில் உள்ளது. நம் போன்ற மாணவர்களுக்கு மிகவும் மேம்பட்ட தொகுப்புகள் தேவையில்லை இதுவே போதுமானது தான்.

Scilabம் Matlabக்கு மாற்றாக உபயோகப்படுத்த இயலும். ஆனால் இரண்டு இயங்குநிரல் முறைகளுக்கும் சிறு சிறு வோறுபாடுகள் உண்டு. Matlab இயங்குநிரலை Scilab இயங்குநிரலாக மாற்ற, Scilabலேயே வசதி உள்ளது.

Orcadக்கு மாற்று மென்பொருட்கள்:

(அச்சிட்ட சுற்றமைப்புப் பலகை - இட அமைவு வரைதல் - PCB Layout)

௧. Eagle ௨. KiCAD ௩. gEDA

மேலே உள்ள மூன்றில், Eagleல் வரைதலைக் கற்றுக்கொள்வது எளிது. ஆனால் அதில் குறிப்பிட்ட அளவு வரை உள்ள பலகைக்குத்தான் வரைய இயலும்.

KiCAD சிறந்த மென்பொருள். இதில் முப்பரிமாணமாக அச்சிட்ட சுற்றமைப்புப் பலகையைப் பார்க்க இயலும்.

gEDA என்பது உபுண்டுவில் உள்ள EDAமென்பொருள்.

இவை தவிர பல மின்னியல் பாவனையாக்கி (electrical simulation) மென்பொருட்களும், பொறியியலில் சிறு சிறு செயல்பாட்டுக்குமான மென்பொருட்கள் பல உள்ளன.

குறிப்பு: MATLABக்கான லினக்ஸ் பதிப்பு உள்ளது. மேற்குறிப்பிட்டுள்ள மென்பொருட்கள் அனைத்தும் Ubuntu Software Centreல் உள்ளது.

சிறு சிறு செய்திகள்

2010-07-13T23:24:00.002+05:30

நான் பயன்படுத்தும் சிலவற்றைப் பட்டியலிட்டுள்ளேன்... உங்களுக்கும் அவை உபயோகமாய் இருக்கலாம்.(குறிப்பு: அனைத்தும் ubuntu software centerல் உள்ளது.)

௧. இசை இயக்கி: 'banshee Media Player'

காரணம்:
Rhythm boxல் இசைக் கோப்புகளை அதன் இருப்பிடத்திற்கு ஏற்றவாறு வரிசைப்படுத்த முடியாது. இதில் முடியும்.

௨. நிகழ்பட இயக்கி: 'VLC Media Player'

       காரணம்:
              பெரும்பான்மையான படக்கோப்புகளைக் காட்டும். Tools -> Preferences -> Hotkeysக்கு சென்றால், நாம் விரும்பிய விசையை, குறுக்குக் கட்டுப்பாட்டுக்கு(shortcut key) பயன்படுத்த இயலும்.
     குறிப்பு: சிற்சில இடங்களில் சிதைவுண்ட படங்களைப்(damaged files) பார்க்க 'GNOME MPlayer' பயன்படுத்தலாம்

௩. நாட்குறிப்பு(diary): 'Lifeograph'

காரணம்:
இதில் கடவுச்சொல் கொடுத்துப் பாதுகாக்க இயலும்.
குறிப்பு: கோப்பினை சேமிக்கும் போது, .diary என்ற விகுதியுடன் சேமிக்கவும் எ.க.filename.diary

௪. pdf கோப்புகளைப் பார்க்க: 'Document Viewer'

காரணம்:
Adobe Reader நீண்ட நேரம் எடுத்துக்கொள்கிறது.

௫. இயங்காத மென்பொருளை நிறுத்த: Force Quit

Panel (அ) taskbar ன் மீது வலதுவிசையைச் சொடுக்கி Add to panel -> Force Quit எனக் கொடுக்கவும். ஏதேனும் மென்பொருள் நமது கட்டுப்பாட்டுக்குள் இல்லையென்றால் இது அதனை நிறுத்திவிடும்.

௬. நிகழ் படத்தருத்தி & மாற்றி: Video Editor and Converter

௧. Avidemux - Edit->Preferences ல் Automationல் அனைத்தையும் Automatic ஆக மாற்றிவிட்டால், நல்ல நிகழ்படக்கோப்புகளை நமக்கு வேண்டிய வகையில் (format) மாற்றிக் கொடுக்கிறது.
௨. WinFF இதுவும் ஒரு படமாற்றி (Video Converter)

௭. நிழற்படங்களில் சிறு மாற்றங்கள் செய்ய: 'F-Spot'

Crop, சிறு நிறமாற்றம் செய்வது மிக எளிது.

௮. Adobe Photoshop போல் இயங்கும் மென்பொருள் 'GIMP Image Editor'

௯. Corel Draw போல் இயங்கும் மென்பொருட்கள், 'Xara Xtreme', 'Inkscape Vector Graphics Editor'

௧௰. 'Adobe Pagemaker' போல் இயங்கும் மென்பொருள், 'Scribus'.

மாணவர்களுக்கான மென்பொருட்கள்-Softwares for Students

2010-07-11T12:29:00.004+05:30

To view this post in English, click here.

மூன்று மென்பொருட்களை பற்றி விளக்கப் பெற்றுள்ளது.
(அனைத்தும் - 'Ubuntu Software Center'ல் உள்ளது)

௧. Celectia - (வானவியல், Astronomy)

௨. Periodic Table - (வேதியியல், Chemistry)

௩. Genius Math Tool-(கணிதம், அறிவியல், Mathematics, Science)

௧.Celestia-வானவியல்(Astronomy, Geography)

வானவியல் தொடர்பாக பல மென்பொருட்கள் உபுண்டுவில் உள்ளன. இதை நான் பரிந்துரைக்க ஒரே காரணம், மற்ற மென்பொருட்களை நாம் இயக்க வேண்டும். இதில் அப்படி இல்லை மிக எளிதாக அவர்களே அசைவூட்டம்(animation) செய்து புரிய வைக்கிறார்கள்.
கோள்கள் எப்படி தன்னைத் தானே சுற்றி, சூரியனையும் சுற்றுகின்றன என்பதை குழந்தைகளுக்கு சும்மா வாயால் சொன்னால் புரிந்துகொள்வது மிகக்கடினம். இது போன்ற அழகாக அசைவூட்டங்களைக் (animate) காண்பிப்பதன் மூலம் எளிதாகப் புரிந்து கொள்ள முடியும்.

௧. எளிய வழி: :-)

Celestiaவைத் திறந்து, Help -> Run Demo எனத் தேர்வு செய்தால் போதும். அவர்களே புவியில் ஆரம்பித்து, நிலா, சூரியன் மற்ற கோள்கள், விண்மீன்கள் எனச் சென்று மொத்த பால்வெளியையே(MilkyWay) நமக்குக் காண்பிக்கிறார்கள்!!.. அற்புதம்..

௨.குறிப்பிட்ட கோள் அல்லது விண்மீனின் தற்போதைய இயங்குநிலையைப் பார்க்க:

Navigation -> Search for Object என்பதைத் தேர்வு செய்யவும். ஒரு சாளரம் தோன்றும், அதில் தங்களுக்குத் தேவையான கோளின் பெயரைச் சொல்ல வேண்டும் எ.க.Saturn.

பின்னர் ,

௧. Navigation -> Centre Selection

௨. Navigation -> Goto Selection என்று இரண்டையும் அடுத்தடுத்து தேர்வு செய்ய வேண்டும்.

தேர்வு செய்த பின்னர் அந்த கோளின் அருகில் உங்களை அழைத்துச் செல்லும். தற்போது கோளின் இயக்கத்தை உணர முடியாது. நேர மாறும் வேகத்தை அதிகரிக்க 'L' என்ற விசையை அழுத்தவும் பலமுறை அழுத்திய பின்னர் கோளின் இயக்கத்தை உணர முடியும். நேர மாறும் வேகத்தைக் குறைக்க 'K' என்பதை அழுத்தவும்.

௨. Periodic Table - வேதியியல்

(குறிப்பு: இது நிறுவியவுடன் Accessoriesக்கு சென்றுவிடுகிறது.)

இது பள்ளி மாணவர்கள் அனைவருக்கும் பயன்படும் ஒன்று. மிக அழகாக எளிதாக வடிவமைத்திருக்கிறார்கள். இதைத் திறந்தவுடன், தனிம வரிசை அட்டவணையில் இருப்பது போல் அழகாகத் தோன்றும்.

எந்தத் தனிமத்தைப் பற்றி அறிந்த கொள்ள வேண்டுமோ, அதன் மீது சொடுக்கினால் போதும், அதன் ௧.அணு எண் (Atomic No) ௨.அணு எடை(Atomic Mass) ௩.வேதியியல் மற்றும் இயற்பியல் பண்புகள் (Chemical and Physical Properties) என அனைத்தும் திரையில் தெரிகிறது.

௩. Genius Math Tool

கணக்குகளைத் தீர்க்கும் பொழுது கடினமான சமன்பாடுகளை(equations) அறிவியல் கணிப்பானில் (Scientific Calculator)ல் தீர்ப்பது சற்று கடினம். இது அந்த வேலையை எளிதாக்குகிறது.
a=5;

b=6;

c=a+b

என வரிசையாக உள்ளீடு அளித்தால் இறுதியில் அதுவே சரியான விடையைப் பகரும்.
c = 11 எனத் திரையில் தோன்றும்.
இதில் 'New' என்பதைச் சொடுக்கி, மேற்சொன்ன மூன்று வரிகளையும் தட்டச்சு செய்து 'Run' என்பதைச் சொடுக்கினால் பதில் திரையில் தோன்றும். இது இயங்குநிரல் (Program) முறை.
.

மென்பொருள் மூலங்களைப் புதுப்பிக்க... (Software Sources - Regeneration)

2010-07-07T22:22:00.003+05:30

To view this post in English, click here.

        சிறு சிறு மென்பொருட்களை தினமும் புதிது புதிதாக உபுண்டுவில் நிறுவுகிறோம். அதற்குப் பலசமயங்களில், மென்பொருள் மூலத்தில்(software sources) புதிய மூலங்களைச்(ppa) சேர்க்க வேண்டியிருக்கும். இப்படி புதிது புதிதாகச் ppaக்கள் சேர்ந்து, மேம்பாடு(update) செய்யும்பொழுது நீண்ட நேரம் எடுத்துக்கொள்ளும்.
        சில சமயம் மேம்பாடு செய்யும் போதெல்லாம் ஏதோ தவறைச் சுட்டிக்காட்டிக் கொண்டேயிருக்கும்.
         இல்லை... நாமே... சும்மா இருக்க முடியாமல் source.list கோப்பில் மாற்றங்கள் செய்து இருக்கலாம். (நான் செய்தது :-) )

தீர்வு:

          http://repogen.simplylinux.ch/ க்கு சென்று, உங்களுக்கான

                ௧. நாடு
                ௨. உபுண்டுவின் பதிப்பு
                ௩. தேவையான மென்பொருள் மூலங்கள்
                ௪. தேவையான மேம்பாட்டு மூலங்கள்

ஆகியவற்றைத் தேர்வு செய்து 'Generate List' என்பதனைச் சொடுக்கவும். சொடுக்கியவுடன் மூன்று சாளரங்கள் (3 windows) தோன்றும்

இப்பொழுது இரண்டு முறைகளில் மென்பொருட்களின் மூலத்தை மாற்றலாம்.

முறை 1:

௧. System -> Administration -> Software Sourcesஐத் திறந்து மேலே உள்ள, 'Other Software'ஐத் தேர்வு செய்து. ADD என்பதைச் சொடுக்கி, 3வது சாளரத்தில்(3rd window) உள்ள debஎனத் தொடங்கும் வரிகளை ஒவ்வொன்றாகத் தேர்வு செய்து, மென்பொருட்கள் மூலத்தில் சேர்த்துக் கொள்ளவும்.

௨. பின்னர் 'Terminal'ஐத் திறந்து, 2வது சாளரத்தில்(2nd window) உள்ள வரிகள் ஒவ்வொன்றாக எடுத்து(copy) 'Terminal'ல் நிறைவேற்றவும்(execute).

முறை 2:

           ௧. Terminalஐத் திறந்து

            gksudo gedit /etc/apt/sources.list

                                     என்பதை நிறைவேற்றியவுடன்(execute), sources.list கோப்பு திறக்கும். அதில் உள்ள அனைத்தையும் அழித்துவிடவும். பின்னர் முதல் சாளரத்தில்(1st window) உள்ளவற்றை எடுத்து, sources.listல் போட்டு(paste), சேமிக்கவும்(save).

          ௨. பின்னர் 'Terminal'ல் 2வது சாளரத்தில்(2nd window) உள்ள வரிகள் ஒவ்வொன்றாக எடுத்து(copy) 'Terminal'ல் நிறைவேற்றவும்(execute).

அவ்வளவுதான். இவ்வாறு செய்த பின்னரும் updateல் பிரச்சனைகள் இருந்தால், மென்பொருட்கள் மூலத்தில்(software source) Download fromல் India என்பதை 'Main Server' என மாற்றிப்பாருங்கள்.
.

நெருப்பு நரியில் பாதுகாப்பாக உலவ...

2010-07-04T12:17:00.000+05:30

To view this post in English, click here

      இணையத்தில் உலவும் போது ஒரு தளம் நம்பத்தன்மை உடையதா இல்லையா அது நம் கணினிக்கு பாதிப்பை ஏற்படுத்துமா என்பதையெல்லாம் சொல்லும் இணைப்பு(add on) நெருப்பு நரியில் உண்டு. அதன் பெயர் 'WOT'.
      இதனை Tools -> Add onsல் WOT எனத் தேடி நிறுவிக் கொள்ளுங்கள். இது URL பட்டைக்கு அருகில் இருக்கும்.
இதன் நிறம்...
பச்சை - தளம் பாதிப்பை ஏற்படுத்தாது, நம்பலாம்
மஞ்சள் - தளத்தின் நம்பகத்தன்மை சந்தேகத்திற்கிடமானது
சிவப்பு - இந்தத் தளத்திற்கு செல்வதைத் தவிர்க்கவும்

       மேலும் இது googleல் தேடும் போதும் இது இருக்கும். பாதுகாப்பற்ற தளங்களை கீழகாண்பதுபோல் சிவப்பு நிறத்தில் காட்டும்.

மேலும் அது மாதிரியான தளங்களில் தெரியாமல் உள் நுழைய நேரிட்டாலும், கீழ்கண்டவாறு எச்சரிக்கை செய்யும்...

மேலும் சில நெருப்பு நரி இணைப்புகள் (Firefox add ons):

௧. Adblock Plus - விளம்பரங்களைத் தவிர்க்க
௨. Read it later - வலைபக்கங்களை சேமித்து வைத்து பின்னர் படிக்க
௩. Downthem All - வேகமான பதிவிறக்கத்திற்கு

மேலும் Youtube downloader, web2pdf converter என... பல இணைப்புகள் உள்ளன. தங்கள் தேவைக்கு ஏற்பத் தேடி நிறுவிக்கொள்ளலாம்.

பொதுவாக உபுண்டு பயனாளர்கள் virus உள்ள தளங்களைப் பற்றிக் கவலைப்படத் தேவையில்லை. ஏனென்றால் 99.9% அவை விண்டோசுக்கென்று எழுதப்பெற்றவையாகவே இருக்கும். :-)
.

தரவிறக்கங்களை சீர்படுத்தும் மென்பொருட்கள் (Download Manager)

2010-07-02T11:08:00.000+05:30

To view this post in English, click here

௧. Tucan Manager - Rapidshare, Megaupload etc.,

இது சாதாரண தரவிறக்க மென்பொருள் அன்று, இதன் மூலம் தரவிறக்கங்களுக்காகவே செயற்படும் rapidshare, megaupload, mediafire, 4shared, filesfactory போன்ற தளங்களில் இருந்து தரவிறக்கம் செய்யலாம். இது Ubuntu Software Centreல் இருக்கிறது.

rapidshare அல்லது megaupload அல்லது ஏதாவது ஒரு தளத்தின் இணைப்பை(link) எடுத்து ADD DOWNLOADS என்பதை சொடுக்கி, அதில் இணைப்பைப் போட்டு check links என்பதை சொடுக்கவும். Tucan Manager இணைப்பு சரிதானா என சரிபார்த்த பின் ADD என்பதை சொடுக்கினால் முடிந்தது.
இதனை ஒரு rapidshare இணைப்பு வைத்துப் பரிசோதித்துப் பார்த்தேன், அருமையாக வேலை செய்தது. :-)

௨. Gwget Download Manager

இதன் மூலம் சாதாரணமான தரவிறக்கங்கள் செய்யலாம்.

௩. FatRat

இதனால் சாதாரணமாகவும், rapidshare மூலமும் மட்டுமே தரவிறக்கம் செய்ய இயலும்.

௪. SlimRat

இதுவும் GwGet Download Manager போன்று சாதாரண தரவிறக்கங்கள் மட்டும் செய்யும்

குறிப்பு: மேற்குறிப்பிட்டுள்ள நான்கு மென்பொருட்களும் Ubuntu Software Centreலேயே உள்ளது.

உபுண்டுவில் அலைபேசி மென்பொருட்கள்

2010-06-26T13:58:00.000+05:30

To view this post in English, click here

அலைபேசிக்கென்று நிறைய மென்பொருட்கள் உபுண்டுவில் இருந்தாலும் நான் உபயோகிக்கும் இரண்டு மென்பொருட்களை மட்டும் இங்கே பார்க்கலாம்.

1.Wammu

இதை Ubuntu Software Centreல் இருந்து Wammu எனத் தேடி நிறுவிக்கொள்ளலாம். தங்கள் அலைபேசியையும் கணினியையும் ஒரு முறை bluetoothல் இணைத்துக் கொள்ளவும். பின்னர் அகற்றிவிடவும். ஏனென்றால் தங்கள் கணினியும் அலைபேசியும் ஒன்றை ஒன்று இணைத்துக் கொள்கின்றனவா என சோதிப்பதறக்கு இது. பின்னர் இணைப்பை அகற்றி விட்டு இரண்டிலும் bluetoothஐ இயங்கச் செய்துவிடவும். (இயங்கு நிலையில் இருந்தால் போதுமானது இணைக்கத் தேவையில்லை). அல்லது data cable மூலமும் இணைக்கலாம். பின்னர் Wammuவை திறக்கவும்,

௧. Wammu மென்பொருளில் Wammu -> Phone wizardல் Automatically Search for a Phoneஐத் தேர்வு செய்யவும், நமக்கு வேலை மிச்சம் :-). அவ்வாறு இணைக்க இயலவில்லையென்றால் Guided configurationல் முயற்சி செய்யவும்.

௨. அவ்வாறு இணைத்து முடித்தபின், Phone -> Connectஐத் தேர்வு செய்யது இணைக்கவும். பின்னர் Retrieveல் தங்கள் அலைபேசியில் உள்ள contacts, messages, todos என அனைத்தையும் கணினிக்கு ஏற்றி(retrieve) கணினியிலேயே பார்க்கலாம்.

இதில் ஒரு மிகப்பெரிய வசதி என்னவென்றால் உங்கள் தொடர்பகளை(contacts) (retrive செய்த பிறகு) பிற்காலத் தேவைகளுக்கு ஒரு பிரதி(backup) எடுத்துக் கொள்ளலாம். அதற்கு backup -> save ஐத் தேர்வு செய்யவேண்டும். மொத்த அலைபேசித் தகவலும் backup செய்யப்பட்டுவிடும்.
மீண்டும் அந்த backupஐ உபயோகிக்க, backup -> importஐத் தேர்வு செய்து கொள்ளலாம். இந்த முறையில் ஒரு அலைபேசியிலிருந்து மற்றொரு அலைபேசிக்கு அனைத்துத் தகவல்களை மாற்ற முடியும் என நினைக்கிறேன்.

அடுத்தது,

2. Phone Manager

இது ஒரு மிகச்சிறிய மென்பொருள். இதன் ஒரே உபயோகம் குறுஞ்செய்தி(sms) அனுப்பலாம். Ubuntu Software Centreல் Phone Manager எனத் தேடி நிறுவிக் கொள்ளுங்கள்.

ஏற்கனவே சொன்னது போல் ஒருமுறை கணினியையும் அலைபேசியையும் bluetoothல் இணைத்து பின்னர் பிரித்து விடுங்கள். இரண்டிலும் bluetooth இயங்குநிலையில் இருக்கட்டும்(இணைப்பு நிலையில் அல்ல). Phone Managerஐத் திறந்தவுடன் அது அலைபேசியுடன் தானாகவே தன்னை இணைத்துக் கொள்ளும். (இது taskbarல் இருக்கும்)

தாங்கள் Mobile Internet இணைப்பது பற்றித் தெரிந்துகொள்ள விரும்பினால், எனது முதல் பதிவான சீன அலைபேசி கொண்டு இணையத்தில் உபுண்டு உதவியுடன் உலவலாம் என்ற பதிவினைப் பார்க்கவும், இது சீன அலைபேசிக்கு மட்டுமன்று, அனைத்து அலைபேசிகளுக்கும் பொருந்தும்.
.

உபுண்டுவில் gtalkல் பேச

2010-06-24T10:39:00.000+05:30

To view this post in English, click here

           உபுண்டு 9.10 உபயோகித்த போது Google Talk என்று, ஒன்று Ubuntu Software Centreல் இருக்கும். அதில் வெறும் chat மட்டும் செய்யலாம். Voice chatஐ தேர்வு செய்தால், Windowsல் மட்டுமே அந்த வசதி இருப்பதாக சொல்லும்.
     Empathy, Pidgin என்று பலவற்றையும் சோதித்து, ஒன்றுமே நடக்காது சோர்ந்திருந்த நேரத்தில் gtalX வந்தது. அதுவும் gtalXல் voice chat மட்டும் செயய்லாம், video chat செய்ய இயலாது என்றார்கள். சரி இதையும் முயற்சி செய்து பார்த்துவிடலாம் என்று தரவிறக்கம் செய்து நிறுவி, பெயரையும் கடவுச்சொல்லையும் கொடுத்தால், gtalX இன்னும் connecting.................. :-)

      பின்னர் Skype பற்றி கேள்விப்பட்டு, திரவிறக்கம் செய்து நிறுவினேன். அருமையாக வேலை செய்தது.

      தற்போது 10.04 லூசிட் உபயோகப்படுத்திக் கொண்டிருக்கிறேன். தற்செயலாக Empathyல் voice chat முயற்சி செய்தேன். வேலை செய்கிறது!!
     இதைப் பெறுவற்கு Applications -> Internet -> Empathy IM Client ஐத் திறக்கவும். Edit -> Accountsல் ADD கொடுக்கவும். protocol:Google talkஐத் தேர்வு செய்து, பெயர் மற்றும் கடவுச்சொல்லைக் கொடுக்கவும். Accountsல் Enabledஎன்பதனை தேர்வு செய்துவிட்டால் போதும் அவ்வளவுதான். :-)
     எனது இணைய வேகம் மிகக்குறைவு 5kbps தான், அதனால் google voice chat சற்று இரைச்சலாக இருந்தது. குறைந்த இணைய வேகம் கொண்டவர்களுக்கு Skype சிறந்தது.

Empathy வேலை செய்யவில்லை என்றால், கீழ்கண்ட சிப்பங்கள் (Packeges) இருக்கிறதா என Synaptic Package Managerல் சோதிக்கவும்.

1. telepathy-gabble
2. telepathy-mission-control
.

உபுண்டுவில் தமிழ் அகராதி, தகவல் களஞ்சியம்

2010-06-24T00:22:00.000+05:30

To view this post in English, click here

தமிழ் அகராதியைப் பெற "Ubuntu Software Centre"ல் "Golden Dict"ஐத் தேடி நிறுவவும். பின்னர் Golden Dictஐத் திறந்து Edit -> Dictionaries ல் Wikipediaவைத் தேர்வு செய்யவும். அதில் English Wikipedia, Wiktionary தவிர ஏனையவற்றை (ரஷ்யா, ஜப்பான்...) நீக்கிவிடவும்(தங்களுக்குத் தேவையில்லையெனில்).

௧. ADDஐ சொடுக்கி Nameஐ "Tamil Wiktionary" எனவும், Addressஐ "http://ta.wiktionary.org/w" எனவும் கொடுத்து Enabledஐ தேர்வு செய்யவும்.

௨. மீண்டும் ADDஐ சொடுக்கி Nameஐ "Tamil Wikipedia" எனவும், Addressஐ "http://ta.wikipedia.org/w" எனவும் கொடுத்து Enabledஐ தேர்வு செய்யவும்.

Okவை சொடுக்கவும்.

படத்தில் தெரியும் நான்கு Wக்களும் தமிழ்/ஆங்கில-அகராதி/தகவல் களஞ்சியங்களுக்கானது. அதனதன் மீது சொடுக்கி தஙகளுக்கு வேண்டியவற்றை மட்டும் தேர்வு செய்து கொள்ளலாம்.
இது இணையத்தோடு இணைந்து இயங்கக்கூடியது. இது உலவியைத்(browser) திறந்து பார்ப்பதைக் காட்டிலும் வேகமானது. தாங்கள் இணைய இணைப்பில்லா தமிழ் அகராதியை எதிர்பார்த்து வந்திருந்தால், இங்கே சொடுக்கி ஆங்கில/தமிழ் அகராதி pdf கோப்பினை தரவிறக்கம் செய்து கொள்ளலாம். :-)
.

உபுண்டுவில் winamp...

2010-06-22T00:41:00.002+05:30

To view this post in English click here

இன்னும் linuxக்கு என்று தனியாக winamp வெளிவரவில்லை. ஆனால் winamp போலவே தோற்றமளித்து செயற்படும் இசை இயக்கி உபுண்டுவில் உண்டு. "Audacious" என்று பெயர் கொண்ட இது, Ubuntu Software Centreல் உள்ளது. winampன் மெல்லுறைகளை (skins) இதற்குப் பொருத்தலாம் என audacious சொல்கிறது. இதில் winampல் இருப்பது போலவே Playlist, Equalizer உள்ளது. ஆனால் Media Library (ML) இல்லை.

Media Libraryக்காக winamp உபயோகித்தவர்களில் நானும் ஒருவன். Rhythmboxல் இந்த வசதி உள்ளது என்றாலும், பாடல்களை அதன் இருப்பிடத்திற்கு(file location) ஏற்றவாறு வரிசைப்படுத்த முடியாது. ஆனால் banshee media playerல் இந்த வசதி உள்ளது. இதைத்தான் தற்போது உபயோகித்து வருகிறேன். இதில் மேலும் சிறப்பம்சம் என்னவென்றால், winampஐ windowsல் இயக்கும்போது விசைப்பலகையில் உள்ள play/pause next prevoius விசைகளுக்குக் கட்டுப்படாது. ஆனால் banshee கட்டுப்படுகிறது. :-)
.

உபுண்டுவில் பிறந்தநாள் நினைவூட்டி

2010-06-21T02:15:00.000+05:30

To view this post in English click here

இந்த பிறந்தநாள் நினைவூட்டி "Evolution mail and Calender" என்ற மென்பொருளுடன் சேர்ந்து இயங்குகிறது. இதனை "Ubuntu Software Centre"ல் "GBirthday" எனத் தேடி நிறுவவும்.

பின்னர், Applications -> Office -> Evolution mail and Calenderஐ திறந்து

New -> Address Bookஐ சொடுக்கவும். அதில் Typeல் "On this Computer" என்பதைத் தேர்வு செய்து, பெயரிடவும். New -> Contactல் பெயர் இதர விபரங்கள் மற்றும் பிறந்தநாளை இடவும்.

பின்னர் Gbirthdayஐ Startup Applicationsல் இணைத்துவிட்டால் போதும்.

இது சுற்றுவழிதான். தங்களுக்கு ஏதேனும் நேரடியான பிறந்தநாள் நினைவூட்டி தெரிந்தால் தெரியப்படுத்தவும்.
.

உபுண்டுவில் இணைய இணைப்பின்றி இயங்கும் ஆங்கில அகராதி

2010-06-20T00:29:00.000+05:30

To view this post in English click here

இணைய இணைப்பின்றி(offline) இயங்கும் ஆங்கில அகராதி உபுண்டுவில் உண்டு.
இதைப் பெற "Ubuntu Software Centre"ல் "Artha"எனத்தேடி நிறுவவும்.

இது அகராதி மட்டுமன்று அருஞ்சொற்பொருள்(Synonym), எதிர்ச்சொல்லையும்(Antonym) தரவல்லது. மேலும் ஒரு சொல்லைத் தேர்வு செய்து Ctrl+Alt+w ஐ அழுத்தினால் போதும், தானாகவே பொருளைக் காட்டும். :-)
.

சீன அலைபேசி கொண்டு இணையத்தில் உபுண்டு உதவியுடன் உலவலாம்-எவ்வித மென்பொருளும் தேவையில்லை!

2010-06-19T23:56:00.000+05:30

To view this post in English click here

சாதாரணமாக, சீன அலைபேசிகளை கணினியுடன் இணைக்க மென்பொருள் கிடைப்பதில்லை. ஆனால் உபுண்டுவில் இணைக்க மென்பொருள் ஏதும் தேவையில்லை. இதற்கு உபுண்டு10.04 இயங்குதளம் தேவை.

படி1: அலைபேசி விற்பனரிடமிருந்து இணைய இயங்கு அமைப்புகளைப் (Internet settings) பெற்று நிறுவவும். இணையம் அலைபேசியில் இயங்குகிறது என்பதை உறுதி செய்யவும்.

படி2: அலைபேசியை கணினியுடன் இணைக்கவும். இணைக்கும் பொழுது "COMport" என்பதைத் தேர்வு செய்யவும்.

படி3: உபுண்டுவில் System->Preferences->Network Connections ஐ தேர்வு செய்யவும்.

1. அலைபேசி நிறுவனப் பெயரைக்காட்டும், தவறோ சரியோ, "Forward"ஐ சொடுக்கவும்
2. "India"வை தேர்வு செய்யவும்
3. அலைபேசி சேவையாளரை தேர்வு செய்யவும் எ.க. TATADocomo
4. திட்டத்தை தேர்வு செய்யவும். எ.க. Aircelக்கு "Prepaid", TATADocomoக்கு "Internet"

மேற்சொன்ன வழிமுறை Sigmatel S90ல் TATADocomoவுடன் சரிபார்க்கப்பெற்றது.
இந்த முறையில் எந்த அலைபேசியையும் உபுண்டுவுடன் இணைத்து இணையத்தில் உலா வரலாம். :-)
.